Wednesday, September 18, 2013

எனக்கான உன் காதல்



எனக்கான உன் காதல் உண்மையானதாகவிருந்தால்
நீ ஒன்றும் எனக்கு
நிலவாக இருக்க வேண்டாம்
சுட்டெரிக்கும் சூரியனாகவே இரு….
தீமைகளை நானும் சுட்டெரிப்பேன்

எனக்கான உன் காதல் உண்மையானதென்றால்
எனக்காக நீ ஒன்றும்
நதியாக இருக்க வேண்டாம்
காட்டாற்று வெள்ளமாகவே இரு- சமூக
அழுக்குகளை எல்லாம் அடியோடு அகற்றுவேன்

எனக்கான உன் காதல் உண்மையானதென்றால்
எனக்காக நீ ஒன்றும்
தென்றலாக இருக்கவேண்டாம்
வீசும் புயலாகவே இரு
ப+மியை அழகாக்குவேன்


எனக்கான உன் காதல் உண்மையானதென்றால்
தீயாக, வெள்ளமாக,புயலாக
மொத்தத்தில் நீ நீயாகவே இரு…
அழகானதோர் உலகம் நான் சமைப்பேன்

சாகும்போதும் தமிழ்படித்துச் சாகவேண்டும் - என்றன் உடல் சாம்பலும் தமிழ்மணந்து வேகவேண்டும் ....சச்சிதானந்தம்
.ஒவ்வொரு விடியலும் வாழ்வின் முடிவின் ஆரம்பமே..