எனக்கான உன் காதல் உண்மையானதாகவிருந்தால்
நீ ஒன்றும் எனக்கு
நிலவாக இருக்க வேண்டாம்
சுட்டெரிக்கும் சூரியனாகவே இரு….
தீமைகளை நானும் சுட்டெரிப்பேன்
எனக்கான உன் காதல் உண்மையானதென்றால்
எனக்காக நீ ஒன்றும்
நதியாக இருக்க வேண்டாம்
காட்டாற்று வெள்ளமாகவே இரு- சமூக
அழுக்குகளை எல்லாம் அடியோடு அகற்றுவேன்
எனக்கான உன் காதல் உண்மையானதென்றால்
எனக்காக நீ ஒன்றும்
தென்றலாக இருக்கவேண்டாம்
வீசும் புயலாகவே இரு
ப+மியை அழகாக்குவேன்
எனக்கான உன் காதல் உண்மையானதென்றால்
தீயாக, வெள்ளமாக,புயலாக
மொத்தத்தில் நீ நீயாகவே இரு…
அழகானதோர் உலகம் நான் சமைப்பேன்